عدد الرسائل : 476 العمر : 32 Location : السنبلاوين تاريخ التسجيل : 20/11/2008
موضوع: Toyota Corolla 2008 Exclusive, Full Report الأحد يناير 11, 2009 5:20 am
كل أفكار الناس دلوقتى تتركز فى حاجتين السعر و بلد الصنع و طبعا كلنا عرفنا أن التويوتا الجديدة أحتمال كبير جدا تبقى تقفيل تركى لتقليل سعر السيارة و المفروض أن سعرها يقل بس أنا شوفت بعض الأسعار ليها فى الدول العربية و هيا نزلة بأسعار أعلى من الموديل القديم و بالتالى فأكيد سعر التويوتا الجديدة هيطلع لفوق فى مصر
فى أحتمال كبير أن العربية ينزل منها فئتين 1400 و 1600 سى سى و أحتمال ضعيف تنزل 1400 سى سى بس
أنا فى أعتقادى لو نزل منها فئتين 1400 و 1600 سى سى أتوقع أن ال 1400 سى سى هتبتدى من 110,000 إلى 130,000 و ال 1600 سى سى هتبقى قرب ال 150,000 و يمكن أكتر... و الله أعلم يمكن يرخصوها لأنها مش يابانى
الموتور و الأداء
سعة المحرك : 1398 سى سى 4 سلندر 16 صباب DOHC بتقنية vvt-i القدرة الحصانية : 95 حصان عند 6000 RPM العزم : 130 نيوتن/متر عند 4400 RPM السرعة القصوى : 175 كم/ساعة التسارع من 0 إلى 100 : 13 ثانية سعة خزان الوقود : 50 لتر أستهلاك الوقود لكل 100 كم : 6.7 لتر
ملحوظة... لو نزل محرك 1600 سى سى هيبقى نفس اللى موجود دلوقتى فى الموديل الحالى علشان كده أنا مكتبتوش
عوامل الأمان
شركة تويوتا كانت أعلنت أن التويوتا الجديدة هيبقى فيها ABS – EBD – BA كتجهيزات أساسية و بالنسبة للوسائد الهوائية محدش عارف هينزلوا فيها كام بس أكيد 2 على أقصى تقدير كعادة السوق المصرى
السيارة حاصلة على 5 نجوم فى أختبار ال EURONCAP بس طبعا فى مصر الكلام ده بيقل لأنهم بيشيلوا الستائر الهوائية و بيشيلوا العديد من و سائل الأمان
الأبعاد
الطول : 4540 مم العرض : 1760 مم الأرتفاع : 1470 مم الأرتفاع عن الأرض : 160 مم طول محور العجلات : 2600 مم الوزن بالكجم : 1270
تعليق...السيارة أعرض من الموديل السابق و كمان أرتفاعها الكلى أقل و وزنها أتقل كمان يعنى غالبا هتكون أثبت من الموديل الحالى بكتير
الصالون
من الواضح أن السيارة أكثر أتساعا من الموديل الحالى
شكل التابلوة المتوقع توفرة فى مصر.....حتة حصريا أهيه
و بكده يكون موضوعنا خلص و فى الختام أحب أقولكم أن مهما سعر الكورولا الجديدة أرتفع و مهما أتغيرت بلد الصنع هتفضل دايما تحقق مكاسب كبيرة و هتفضل دايما منتشرة لسبب واحد بس
العلامة دى
علامة تانى أكبر مصنع للسيارات على مستوى العالم
و الأسم ده
أكتر سيارة أتباعت على مستوى العالم ... 23 مليون سيارة حتى الأن
موضوع: Toyota Corolla 2008 Exclusive, Full Report 
الأحد يناير 11, 2009 5:20 am
